Klúbbur matreiðslukeppninnar stendur dagana 11.-13. apríl fyrir keppnunum Kokkur ársins og Grænmetiskokkur ársins. Keppnirnar fara fram í IKEA.

Forkeppni í Kokkur ársins verður haldin í dag, fimmtudag en þá kemur í ljós hverjir komast áfram í úrslitakeppnina sem fram fer á laugardag. Þá verður jafnframt tilkynnt um þau hráefni sem keppendur skulu nota.

Keppendur í forkeppni um Kokk ársins:

• Wiktor Pálsson – Speilsalen
• Ísak Aron Jóhannsson – Zak veitingar
• Gudmundur Halldor Bender – Flora veitingar
• Hinrik Örn Lárusson – Lux veitingar
• Hinrik Örn Halldórsson – Flóra Veitingar
• Angela Figus – Fjölsmiðjan
• Bjarni Ingi Sigurgíslason – Kol

Á morgun, föstudag, verður í fyrsta sinn haldin keppnin Grænmetiskokkur ársins. Keppendur hafa fimm klukkutíma til undirbúnings og verða ræstir með 5 mínútna millibili. Eldaður er þriggja rétta matseðill fyrir 12 manns.

Keppendur í Grænmetiskokki ársins eru:

• Bjarki Snær Þorsteinsson, Lux veitingar
• Bjarni Haukur Guðnason, Hvíta húsið
• Kristján Þór Bender Eðvarðsson, Bláa Lónið
• Þórarinn Eggertsson, Smakk veitingar
• Monica Daniela Panait, Hótel Geysir

Úrslit í báðum keppnum verða tilkynnt í IKEA eftir kl. 18:00 á laugardaginn.

Meðfylgjandi mynd er frá keppninni í fyrra.