Íslenska kokka­landsliðið hafnaði í 3. sæti á Ólymp­íu­leik­un­um í mat­reiðslu í Stutt­g­art. Finnar hrepptu fyrsta sætið en Sviss náði silfrinu.

Með þessu jafnaði landsliðið sinn besta árangur en liðið hafnaði einnig í þriðja sæti fyrir fjórum árum. Fimmtíu og fimm þjóðir tóku þátt í leikunum í ár.

Íslenska liðið fékk gulleinkunn fyrir báðar keppnisgreinarnar. Á sunnudag var keppt í Chef’s table, tólf manna borð með 11 rétta matseðli. Á þriðjudag var seinni greinin þar sem matreiða þurfti þriggja rétta máltíð fyrir 110 manns.

Í gulleinkunn felst að liðið fékk 91 stig af 100 mögulegum.

Lok­aniður­stöður dóm­ara eru hins veg­ar ekki birt­ar fyrr en á loka­degi sem var í gær og þá eru sam­an­lögð stig fyr­ir báðar grein­ar lagðar sam­an og all­ar keppn­isþjóðirn­ar born­ar sam­an.

MATVÍS færir kokkalandsliðinu innilegar hamingjuóskir með árangurinn.