Óhætt er að segja að gleðin hafi ráðið ríkjum á jólaballi MATVÍS sem fram fór í Gullhömrum í Grafarholti síðastliðinn sunnudag.

Gestir jólaballsins áttu þar notalega stund saman; dönsuðu í kring um jólatré og léku sér að uppblásnum blöðrum í allra kvikinda líki.

Kúnstugur jólasveinn rann á hljóðið og tók þátt í gleðinni. Hann færði yngri kynslóðinni svolítinn glaðning og tók þátt í að gera viðburðinn eftirminnilegan fyrir unga sem aldna. Eins og meðfylgjandi myndir bera með sér var kátt á hjalla.

MATVÍS þakkar fyrir samveruna og færir félagsfólki nær og fjær bestu óskir um gleðileg jól.