Tvö hagnýt og spennandi námskeið hjá Iðunni fræðslusetri eru framundan og geta nýst félagsfólki MATVÍS vel í starfi.

Annað námskeiðið fjallar um flökun á fiski, þar sem þátttakendur fá kennslu í réttum vinnubrögðum við að flaka fisk, nýtingu hráefnis og meðhöndlun. Slík færni er grundvallaratriði í mörgum störfum innan matvæla- og veitingageirans og getur skipt miklu máli bæði fyrir gæði og afköst.

Hitt námskeiðið ber heitið Að fanga augnablikið og snýr að gerð myndefnis fyrir samfélagsmiðla í veitingageiranum. Þar er farið yfir hvernig má taka myndir og myndefni sem vekur athygli, styrkir ímynd og nýtist í markaðssetningu veitingastaða og annarra fyrirtækja í greininni.

Námskeiðin eru hagnýt og markviss og miða að því að efla bæði faglega færni og miðlun, sem sífellt skiptir meira máli í rekstri fyrirtækja í matvælageiranum.

Nánari upplýsingar og skráning er að finna á vef Iðunnar fræðsluseturs.